Seenalp
Zmittst i dä Chinzerbärgä
Laag
D Seenalp liit zwischet dä drii Chinzerbärgä und gaht uber äs wits Gebiät, äü was d Heechi betrifft: nämli vu 1200 bis 2000 Meter uber Meer. D Alphittä sälber ligget uf 1515 Meter uber Meer.
Bsunderhäit
Uf dr Seenalp gfindet mä ä ussergweentlichä Alpäblüämäriichtum.
Chääs
Dr Alpchääs und dr Ankä wärdet diräkt vertriibä und wärdet äü uf dr Alp verchäüft.
«Vor langer Zit het ä Chüähirt siinä Chiänä nit glüäget, wiän är hätt miässä. Nu hittä sell mä drum i dr Seenalp äs gschpässigs Rumplä gheerä.»
Ürner Sagäwält